Jurm

Hum Ne Mana K Is Zamaney Mein Hasi Bhi Jurm Hai
Lekin Is Mahool Me Afsurdigi Bhi Jurm Hai

Insaan Is Zindagi Se Bach K Jaye Tu Kaha Jaye
Maykashi Bhi Jurm Hai Khudkashi Bhi Jurm Hai

Kabhi Is Tarha Mere Hum Nafs

Kabhi Is Tarha Mere Hum Nafs
Sabhi Chahatain Mere Naam Kar

Agar Ho Sakay To Kabhi Kahin
Mere Naam Bhi Koi Shaam Kar

Mere Dil K Saaye Mein Aa Zara
Meri Dharkanon Mein Qayaam Kar

Yeh Jo Mere Lafzon K Phool Hain
Tere Raastay Ki Yeh Dhool Hain

Kabhi In Se Sun Meri Dastan
Kabhi In K Sath Kalaam Kar

Kabhi Is Tarha Mere Hum Nafs
Sabhi Chahatain Mere Naam Kar